Kryeqyteti italian Roma mëngjesin e sotëm gdhiu nën mbulesë dëbore, pasi që natën e kaluar në qytet filloi të bjerë borë pas pothuajse 25 vjetëve.

Siç kumtuan meteorologët italianë, shkak për dëborën në Romë është cikloni arktik nën ndikimin e të cilit ndodhet ajo pjesë e Italisë dhe i cili kontribuoi që natën e kaluar temperatura në kryeqendrën italiane të lëshohet deri minus katër gradë.

Autoritetet lokale në Romë apeluan deri te shoferët dhe këmbësorët të lëvizin me vëmendje nëpër rrugët e Romës, të cilat janë të mbuluara me borë.

Për shkak të temperaturave të ulëta, disa metro stacione të Romës kanë mbetur të hapura gjatë gjithë natës së kaluar, me qëllim që në to të mund të strehohen të pastrehët.