Fakulteti Juridik pranë universitetit shtetëror të Tetovës nesër organizon tryezë të rrumbullakët me temë "Mësimi i gjuhës maqedonase nga klasa e parë, kushtetuese, apo jokushtetuese".

Në këtë tryezë do të marrin pjesë profesorë të së drejtës kushtetuese, nga Universiteti "Shën Cirili dhe Metodi" -Shkup, profesorë të Fakultetit Juridik të USHT-së, Ministri i Arsimit dhe Shkencës, Nikolla Todorov, përfaqësues të Ambasadës së SHBA-së, si dhe përfaqësues të misioneve të BE-së dhe OSBE-së në Maqedoni.

Tryeza do të organizohet në ambientet e Rektoratit të USHT-së.