Kur krejt ambasadat mi kanë mbyllur dyert edhe krejt spitalet këtu në Ballkan, ky ka qenë spitali i parë që mi ka hap dyert edhe nuk ma ka bërë aq tragjike këtë shtatzëni ashtu siç më kanë thënë doktorët tjerë. Andaj kam kaluar shumë mirë, më kanë thënë fjalë të mira dhe ashtu më doli, tha Blerta Bordoniçi, paciente nga Prishtina
Foshnja është vendosur në inkubator në Klinikën e Gjinekologjisë.
Blerta Bordoniçi nga Kosova është një ndër pacientet e rralla e cila megjithë anomalitë e zemrës, që nga lindja, ka sjellë në jetë fëmijën e saj. Dje në orët e mëngjesit në klinikën e Gjinekologjisë në Shkup, në muajin e 8 të shtatzënisë 28 vjecarja Bordoniçi lindi me operacion një djalë 900 gramë. Megjithë rrezikun për jetën dhe kundërshtimeve të mjekëve të shumë qendrave spitalore të Ballkanit dhe Evropës, 28 vjeçare kishte vendosur që të lindte fëmijë. Këtij qëllimi ia arriti me ndihmën edhe të mjekëve të spitalit kirurgjik të zemrës Filipi i Dytë.
Kur krejt ambasadat mi kanë mbyllur dyert edhe krejt spitalet këtu në Ballkan, ky ka qenë spitali i parë që mi ka hap dyert edhe nuk ma ka bërë aq tragjike këtë shtatzëni ashtu siç më kanë thënë doktorët tjerë. Andaj kam kaluar shumë mirë, më kanë thënë fjalë të mira dhe ashtu më doli, tha Blerta Bordoniçi, paciente nga Prishtina
Foshnja është vendosur në inkubator në Klinikën e Gjinekologjisë. Mjekët thotë se gjendja shëndetësore e foshnjës është shumë e mirë.
Ne me bashkëpunimin tonë bëmë që e gjithë kjo të përfundojë më së miri pra edhe vetë lindja të shkoj shumë mirë. Foshnja 900 gram është në gjendje të mire, tha Sasho Jovçevski, drejtor i Klinikës së gjinekologjisë.
Që në fëmijëri, Blerta Bordoniçi ishte operuar në zemër në Angli. Kardiokirurgu Zhan Mitrev thotë se ndërhyrja kirurgjikale ka përmirësuar punën e zemrës por ajo nuk është plotësisht e shëndoshë duke i ulur në minimum shanset për ti mbijetuar lindjes.
Ky ka qenë vendim dhe dëshira e saj, megjithë bindjet nga të gjitha anët, përfshi mjekët në Angli. Ne kur e pranuam këtu që të ndjekim shëndetin e saj, veçmë ishte vonë pasi ishte muaji i gjashtë ku nuk mundeshim ti themi pse? Kur ajo me vetëdije dhe qartë thoshte se dua të lind të kem fëmijë, çfarëdo që ti ndodhte, Zhan Mitrev, pronar I Spitalit Filipi i Dytë.
Kardiokirurgu Zhan Mitrev shpjegon se shtatzëni të tilla ku nëna ka anomali zemre, nuk rekomandohen pasi rrezikojnë jetën e nënës dhe mund të përfundojë me vdekje. Por kjo fatmirësisht nuk ndodhi me rastin e Blertës. Asaj në ditën e të dashuruarve Shën Valentini, i buzëqeshi fati edhe me një dashuri të re.
Meral Ismaili
