Presidenti Amerikan Xhorxh W. Bush ka zhvilluar të dielën një vizitë lamtumirëse të pa paralajmëruar në Irak. Gjatë një konference pwr media, nje gazetar irakian gjuajti me dy kepuce ne drejtim te tij, ndërsa Bush ka shpëtuar pa u lënduar.
E gjithë vizita e Presidentit të SHBA-ve në Irak, ra nën hijen e këtij incidenti.

Në mes të konferencës për media me Malikin, një gazetar u ngrit në këmbë dhe bërtiti “kjo është një puthje lamtumirëse nga populli i Irakut, qen” para se ti gjuante këpucët e tij në drejtim të Bush, që nuk e goditën atë.

“E tëra që mund të them është se ato janë me nr. 10”, citohet të ketë thënë Bush, sipas agjencisë Associated Press.

Korrespondentët e quajtën këtë si një incident simbolik. Irakianët patën gjuajtur me këpucë edhe në drejtim të statujës së Saddam Husseinit në Baghdad, pas përmbysjes së saj.

Gjuajta me këpucë konsiderohet ofendim në kulturën arabe.