Takimi i Barak Obamës me Dalaj Lamën i solli një goditje serioze marrëdhënieve kinezo-amerikane thuhet në njoftimin e Ministrisë kineze të Punëve të Jashtme.

"Veprimi i SHBA-së është një përzjerje serioze në punët e brendshme të Kinës. Me këtë seriozisht shkelen ndjenjat e popullit kinez dhe janë prishur lidhjet kinezo-amerikane, thuhet në njoftim.

Pas takimit të Dallaj Lamës me presidentin amerikan, ambasadori i SHBA-së në Pekin iu referua Ministrisë kineze të Punëve të Jashtme dhe iu dha një notë proteste.

Obama mbrëmë u takua me liderin shpirtëror tibetian Dalaj Lamën edhe përkundër paralajmërimeve të Kinës, sepse kjo mundet që plotësisht t'i keqësojë tashmë marrëdhëniet e tensionuara amerikano-kineze.

Në tentim që të neutralizohet pakënaqësia e Pekinit, Obama nuk e priti Dalaj Lamën në Kabinetin Oval por në një nga dhomat e Shtëpisë së Bardhë që shprehu karakterin jozyrtar të takimit.

Pëveç kësaj Obama e anuloi takimin e planifikuar me Dalja Lamën për vitin e kaluar, që të takohet fillimisht me liderët kinezë gjatë turnesë aziatike. Bisedimet në Shtëpinë e Bardhë kaluan pa mbulim medial.