Ky projekt ka për qëllim forcimin dhe ndërgjegjesimin e opiniot publik, me theks të veçante për fondet e IPA, si dhe bashkepunimin e autoriteteve lokale me ato joqeveritare dhe sektorin e biznesit.
Ministri i Vetëqeverisjes Lokale, Musa Xhaferi sot do ta vizitojë komunën e Sarajit, ku do të flasë në tribunën e titulluar "Komunat dhe bashkësitë lokale në integrimin e BE-së".
Në tribunë do të marrin pjesë kryetari i komunës së Sarajit, Blerim Bexheti, ministri i Mjedisit Jetësor dhe Planifikimit Hapësinor, Nexhati Jakupi, si dhe përfaqësues nga Sekretariati për çështje evropiane dhe nga Delegacioni i Komisionit Evropian në Republikën e Maqedonisë.
Tribuna është në kuadër të fushatës "Shkojmë lokalisht", e cila realizohet në bashkëpunim të Ministrisë së Vetëqeverisjes Lokale, SÇE-së, komunave dhe me Delegacionin e KE-së në Republikën e Maqedonisë.
Qëllimi është forcimi i vetëdijes se duke punuar lokalisht kontribuohet për përparimin e nivelit kombëtar, si dhe ta përforcojë pjesëmarrjen e qytetarëve, sektorin urban dhe atë të biznesit në realizimin e vendimeve në lidhje me të ardhmen evropiane të Maqedonisë.
