Sivjet janë vrarë

Gjenevë

Gjithsej 95 gazetarë janë vrarë në detyrë në 32 shtete gjatë këtij viti, lajmëroi organizata joqeveritare ndërkombëtare "Pres Amblem Kampanjë".

Numri i gazetarëve të vrarë krahasuar me vitin e kaluar, kur u vranë 110 gazetarë, është zvogëluar falë situatës së përmirësuar në Irak, ku sivjet janë vrarë 15 gazetarë ndërsa vitin e kaluar 50, theksoi organizata në raportin vjetor.

Organizata shprehu shqetësimin për shkak të situatës së përkeqësuar në Meksikë, Pakistan, Indi, Tajlandë, Rusi dhe Filipinet, ku kërkoi mbrojtje më të mirë të gazetarëve në rajonet konfliktuoze.