Përfundoi faza e dytë e projektit për sanimin dhe përforcimin e urave në Republikën e Maqedonisë e cila është duke u realizuar në bashkëpunim me NATO-n.

Në fazën e dytë, e cila është realizuar rreth tetë muaj ishin përfshirë 20 ura në rrugën Demir Kapi - Gjevgjeli.

Urat janë lëshuar solemnisht në përdorim nga ana e ministrit të Transportit dhe Lidhjeve Mile Janakievski, gjeneralit të brigadës në Shtabin e NATO-s në Shkup Stojan Genkov dhe përfaqësuesi i Agjencisë së NATO-s për mirëmbajtjen e furnizimit (NAMSA), Rui Rodrigez.

Në fazën e parë dhe të dytë të projektit janë sanuar dhe përforcuar gjithsej 49 ura në rrugën Shkup - Gjevgjeli përgjatë korridorit 10.

Përfaqësues të NAMSA-s Rodrigers, paralajmëruan se në fazën e tretë do të përfshihen 16 ura dhe 27 kilometra të rrjetit rrugor.