Me moton "Nga themeli deri në çati" prej ditës së sotme deri më datën 6-të të këtij muaji në Shkup do të mbahet Panairi i shtatë ndërkombëtar për ndërtimtari, materiale ndërtimi dhe mekanizëm për ndërtim - Ndërtimtari 2010.

Në panair do të marrin pjesë më shumë e 300 kompani ndërtimi, ndërsa do të promovohen prodhues dhe tregtarë të materialeve të ndërtimit nga vendi dhe bota.

Në kuadër të panairit ekspozuesit dhe vizitorët do të kenë mundësinë që të marrin pjesë në dy tribuna të temave aktuale nga ndrëtimtaria. Pas hapjes solemne sot do të mbahet tribuna me temë "Zhvillim afatgjatë i ndërtimtarisë" ndërsa nesër "Teknologji dhe materiale të ardhshme në ndërtimtari".

Bileta për në panair kushton 70 denarë, ndërsa për fëmijë dhe pensionistë është falas.