Filmi fantastiko-shkencor “Avatar” ka marrë 6 çmime nga Shoqata amerikane për efekte speciale, duke përfshirë edhe çmimin më të mirë me efekte speciale, shkruan shtypi hollivudian.

Filmi “Deri në qiell” ka fituar tre çmime në ceremoninë e ndarjeve të shpërblimeve në Los Angeles, për animacionin më të mirë, figurat e animuara dhe efektet e animuara.

Përveç çmimit më të rëndësishme, “Avatar”, fitoi në kategoritë e efekteve më të mira gjatë vitit dhe figurat e animuara në një film.
Çmimet e Shoqatës për efekte speciale jepen që nga viti 2002.

Këtë vit, në konkurrencën për çmimin më të rëndësishëm përveç “Avatarit”, ishin edhe “District 9”, “2012”, “Star Trek XI” dhe “Transformers: Revenge of the Fallen”.
Regjisori i “Avatarit”, James Cameron ka marrë çmimin për arritje jetësore.