Një dijetar i njohur islamik sot ka lëshuar fetva, ose verdikt legal islamik, në atë që e quajti "sfidim direkt" të "ideologjisë së dhunshme" të Al Kaedës.

Muhamad ul Kadri me origjinë nga Pakistani, u tha gazetarëve në Londër se fetva e tij prej 600 faqesh ka për qëllim t'i sfidojë justifikimet e pretenduara fetare për aktivitete terroriste, sidomos për sulme vetëvrasëse.

Islami kategorikisht i dënon sulmet vetëvrasëse dhe sulmet kundër civilëve, thotë fetva, duke theksuar se veprimet e tilla "i largojnë autorët krejtësisht nga rruga e Islamit, respektivisht i bëjnë jobesimtarë".

Kadri, i cili ka themeluar Lëvizjen ndërkombëtare islamike dhe organizatën joqeveritare Minhaxh ul Kuran, po ashtu, tha se dokumenti është përgjigje ndaj shpërthimeve vetëvrasëse dhe sulmeve në rritje në Pakistan.