Pas vendimit të Akademisë Maqedonase të Shkencave për të formuar një redaksi të re e cila do të shkruajë “Enciklopedinë”, anëtari i ri akademik Alajdin Abazi, tha se në kuadër të Akademisë së Shkencave duhet të formohet një njësi e veçantë për gjuhën dhe kulturën shqiptare. Sipas tij Enciklopedia e re do të reflektojë realitetin në Maqedoni.

Anëtar tjetër shqiptarë në redaksinë e Enciklopedisë është zgjedhur, drejtori i Institutit për Trashëgimi Shpirtërore të Shqiptarëve prof.dr.Ramiz Abdyli.

Abazi tha se me rëndësi është që edhe Abdyli është pjesë e kësaj redaksie.

Akademik Abazi tha gjithashtu se Akademia e Shkencave, ashtu si në Ohër duhet të hapë një përfaqësi edhe në qytetin e Tetovës dhe të organizojë aktivitete të ndryshme që i takojnë nivelit të akademisë së shkencave.

Shkëlzen Aqifi