Në organizim të Këshillit britanik në Maqedoni, sot do të mbahet konferencë rajonale me temë "Inovacione në arsim", ku profesorë dhe nxënës nga vendi, Kosova Shqipëria dhe Mali i Zi do t'i ndajnë vizionet e veta për shkollën e ardhshme para përfaqësuesve të ministrive të Arsimit dhe Shkencës nga të katër vendet.

Në konferencë do të prezantohen edhe idetë projektuese fituese nga garat shtetërore në të katër vendet.

Ekipet projektuese, përmes shfrytëzimit të teknologjive dhe metodave inovative, punuan në dy tema - "Menaxhimi me shkollën" dhe "Procesi i mësimit i kahëzuar drejt nevojave të nxënësit".