Për nder të 7 Marsit, Ditës së Mësuesit sot në Komunën e Çairit në prezencën e shumë arsimtarëve dhe punëtorëve tjerë të arsimit, administratës së komunës si dhe mjeteve të informimit kryetari i komunës së Çairit z.Izet Mexhiti ndau mirënjohje dhe dhurata modeste për 12 arsimtarët gjegjësisht edukatorët e shkollave fillore dhe çerdheve të fëmijëve të Komunës së Çairit.

Me këtë rast kryetari i komunës si dhe përfaqësues të departamentit për arsim vlerësuan lartë punën e arsimtarëve nëpër shkollat fillore dhe u zotuan se edhe në të ardhmen do të ndihmojnë dhe përkrahin të gjitha projektet dhe iniciativat të cilat ndermirën për avancimin e procesit edukativo-arsimor.