Ndoshta është faji i triumfit në “Brit Award” apo shitja e menjëhershme e biletave gjatë turneut të saj "Monster Ball tour”, por Lady Gaga ka rritur në mënyrë të ndjeshme çmimin e tyre.

Nga 30 në 55 dhe deri në 85 euro ka shkuar çmimi i biletave brenda pak ditëve për ndalesat në Angli dhe kjo ka bërë që fansat të nxehen me këtë vendim duke reaguar ashpër.

Por përgjegjësi i turneut të këngëtares me origjine italiane, ka reaguar menjëherë duke thënë se çmimet janë të drejta.

“Çmimi i datave të reja është vendosur shumë kohë para se Monster Ball të ideohej”, theksoi për BBC, Arthur Fogel. Sipas tij, ajo që më parë ishte përgatitje për një teatër të vogël, tashmë duhet të përshtatet për një arenë të madhe.