Familja Azizi nga fshati Jazhincë i Tetovës humbi dy nga anëtarët e saj në një aksident rrugor në Gjermani.

Ngjarja ka ndodhur të shtunën në mbrëmje rreth orës 19.35 minuta në Gützkov dhe si pasojë dy persona të familjes Azizi humbën jetën, ndërsa tre persona të tjerë janë lënduar.

Burimet nga Gjermania, thonë se shkak i aksidentit ishte rrëshqitja në akull e makinës me të cilin udhëtonin pjesëtarët e familjes.

Makina e tipit Volksvagen Pasat, në momentin që është përplasur pas rrëshqitjes, udhëtonte në drejtim të Usodom.

Të njëjtat burime saktësojnë se në këtë aksident rrugor humbën jetën Nebi Azizi dhe nëna e tij, ndërsa u plagosën vëllai dhe e shoqja e Nebi Azizit si dhe kunata.

Ardi Pulaj