Çështja e emrit do të jetë njëra nga temat e takimit të sotëm të presidentit amerikan Barak Obama me kryeministrin grek Jorgos Papandreu në Uashington.

Mediat greke paralajmërojnë se krahas për emrin, Obama dhe Papandreu do të bisedojnë edhe për krizën ekonomike në Greqi, problimin qipriot për marrëdhëniet greko-turke.

Për këto tema është biseduar edhe në takimin e mbrëmshëm të kryeministrit grek me sekretaren shtetërore të SHBA-së Hilari Klinton. Në konferencën e përbashkët për shtyp pas takimit, ata konfirmuan se kanë këmbyer mendime për situatën në Evropën Juglindore dhe për perspektivën euro dhe euroatlantike të vendeve të Ballkanit Perëndimor, por nuk kanë saktësuar nëse është biseduar për kontestin për emrin./mia/