Megjithëse deri tani është besuar se kafeja e tepërt mund të sjellë probleme me zemrën, ky studim ka treguar të kundërtën.

Katër filxhanë kafe çdo ditë mund të jenë mirë për zemrën, konstatuan ekspertët pas një studimi ku morën pjesë më shumë se 130 mijë persona.
Ata të cilët konsumojnë midis një dhe tre filxhanë kafe në ditë, zvogëlojnë rrezikun nga sulmet në zemër për 7 për qind.

Kreu i ekipit, mjeku Arthur Klatsky, kardiolog në sigurimin shëndetësor Kaiser Permanente, deklaroi se beson se kafeina e përdorur i ndihmon zemrës të bllokojë substancat kimikë që shkaktojnë shqetësime në ritmin e zemrës.

Gjithashtu, tha se studimi ka treguar se nuk ka arsye që personat që kanë probleme të tilla të përmbahen nga pirja e kafes.