Mat Damon dhe Eric Bana janë pretendent për të luajtur në filmin hollivudian për UÇK-në, i cili pritet të realizohet vitin e ardhshëm.

Burime shumë të sigurta i kanë thënë Radio Dukagjinit se ata mund të portretizojnë Craig Jurisevic, kirurgun australianin me nënë sllovene, i cili luftoi përkrah ushtarëve të UÇK-së.

Më parë ishte përmendur edhe angazhimi i Sam Worthington, aktor, protagonist në Avatar.

Filmi do të mbështet në Librin e Jurisevic “Blood in my hands” në të cilin flitet për eksperiencat e tij fillimisht me refugjatët kosovarë e pastaj edhe për luftën në Kosovë.

Mat Demon është njëri ndër aktorët më të popullarizuar në Hollivud. Ai ka luajtur në trilogjinë “Bourne”. Nga ana tjetër Eric Bana ka portretizuar personazhin kryesor në filmin “Munich”.