Orizi, kaçkavalli nga qumështi i lopës dhe ai i përzjerë si dhe vezët, janë prodhimet bujqësore që më tepër janë shtrenjtuar në tregjet e gjelbëra në nëntor të këtij viti në krahasim me të njëjtin muaj vjet.

Më shumë ulje të çmimit ka lakra dhe spinaqi.

Sipas të dhënave të Entit shtetëror të statistikës, një kilogram oriz në nëntor të vitit të kaluar në tregjet e perimeve kushtonte 65 denarë, ndërsa në nëntor të këtij viti kushtonte 85 denarë. Çmimi për një kilogram kaçkavall lope në muajin e kaluar arrinte 310 denarë ndërsa në nëntor të vitit të kaluar është shitur me 218 denarë. Një vezë në nëntor të këtij viti kushton 9,3 denarë ndërsa vjet kushtonte 5,54 denarë.

Në tregjet me shumicë ulje më të madhe të çmimeve të prodhimeve bujqësore në nëntor të këtij viti në krahasim me të njëjtën periudhë të vitit 2007 ka te domatet e kuqe, qepa dhe hudhra.

Orizi, specat e gjelbërt dhe të kuq dhe dardhat janë prodhimet te të cilat ka pasur rritje më të madhe të çmimit në tregjet me shumicë.