Braziliani Felipe Masa prezantoi makinën e re të Ferrarit para tifozëve brazilian në Sao Paolo. Me këtë rast Masa theksoi se bashkëpunimi me kolegun e ri, Fernando Alonso, është në nivel dhe se favoriti për titullin e kampionit në Formula 1 në këtë sezon do të vendoset mes 4 skuadrave.

Sipas Masas, përveç Ferarrit, në garë për titull do të jenë MekLaren, Red Bull Rejsing dhe Mercedes XhiPi.

Piloti brazilian i cili sezonin e kaluar kishte një aksident të rëndë, është i mendimit se 3 skuadrat e reja, të cilat nga ky vit janë pjesë e Formula 1, do të jenë rrezik permanent për pilotët e skuadrave favorite, për shkak të shpejtësisë së vogël të tyre.

“Nuk është interesante të kesh skuadra të reja në Formula 1, të cilat janë të ngadalshme për më tepër se 3 sekonda se skuadrat tjera. Kjo nuk është as e mirë për tu shikuar mirëpo nuk është e mirë edhe për ne pilotët në pistë, pasi që shpejtësia e tyre paraqet rrezik permanent për pilotët e skuderive të tjera” – tha piloti i Ferarrit, Felipe Massa.