Rreziku nga epidemia e gripit A (H1N1), i quajtur "i derrit", është lartësuar shumë, pohojnë deputetët evropianë.

Parlamenti evropian planifikon së shpejti të diskutojë nëse duhet të krijohet komision special i cili do të bëjë analizë se si vendet e BE-së i kanë shpenzuar paratë për luftë me virusin A (H1N1).

"Ekzistojnë dyshime se mjetet e mëdha të ndara për luftën kundër pandemisë janë shpenzuar në mënyrë joracionale", deklaroi përfaqësuesi i të Gjelbërve, Mishel Rivazi.

Nëse formohet komision anketues, ai duhet me kujdes ta studiojë punën e Grupit punues evropian për gripin i cili mbante lidhje me Organizatën botërore të shëndetësisë dhe me institutet për hulumtim. Ekziston dyshim se ato kanë qenë nën ndikimin e disa kompanive farmaceutike. Supozohet se vitin e kaluar kompanitë farmaceutike kanë përfituar rreth 10 miliardë dollarë nga shitja e vaksinave kundër gripit të ri.