H.Koçi

- Prej më shumë se një vit, femrat dominojnë në raport me meshkujt në popullsinë e qytetit të Vlorës, ndërsa tendenca e prognozës së dinamikës demografike për 2010-tën tregon se maskiliteti tradicional përherë e më shumë pritet t'i përkasë të shkuarës.

Burime zyrtare pranë Zyrës së Gjendjes Civile në Bashki, bënë të ditur për ATSH-në se, popullsia e qytetit të Vlorës në fund të muajit shkurt arriti në 131894 banorë, prej të cilëve 66813 janë femra dhe pjesa tjetër, 65081, burra.

Krahasuar me fundvitin 2009, popullsia e qytetit të Vlorës në këtë fillimvit është rritur me 343 banorë, ku sërish dominojnë femrat. Në rregjistrat e maternitetit rezulton se të sapolindurat e seksit femër janë më të shumta, krahasuar me seksin mashkull.

Ky raport, që ka nisur të shfaqet prej fundit të vitit 2008, u thellua gjatë 2009-tës në favor të femrave dhe pritet të jetë i tillë edhe gjatë këtij viti