Në ndeshjet kthyese të Ligës së kampionëve, që u zhvilluan të mërkurën, befasi e madhe ndodhi në Santiago Bernabeu, ku Real Madridi vendës nuk ia doli ta fitojë ndeshjen e kthimit kundër kampionit francez, Lyonit, duke barazuar 1:1.

Lyoni ndeshjen e parë e pati fituar me rezultat 1:0, andaj me rezultat të përgjithshëm 2:1 u kualifikua për çerekfinale. Golin e vetëm për Real Madridin e shënoi Ronaldo në minutën 6, kurse barazoi Miralem Pjaniq, në minutën 75.

Ishte lojtari në top-formë, Wayne Rooney, ai i cili e ndëshkoi Milanin, pasi arriti të shënojë me kokë, pas një harkimi të Gary Neville (13’).

Porsa filloi pjesa e dytë (46’), në Teatrin e Ëndrrave u rishfaq ‘ëndrra e keqe e Milanit’- superRooney, i cili realizoi golin e dytë në këtë ndeshje, dhe të katërtin kundër Milanit në të dyja takimet.

Në ndeshjen e dytë, Manchester United korri fitore bindëse kundër ekipit të Milanit me rezultat 4:0.

Wayne Rooney, i cili edhe në ndeshjen e parë pati shënuar dy gola, edhe sonte ishte më i miri në ekipin anglez dhe sërish shënoi dy herë, në minutat 13 e 46, kurse golashënuesi i radhës për “djajtë e kuq” ishte J.S Park, ndërsa në minutën 88 në listën e golashënuesve hyri edhe Fletcher, duke e vendosur rezultatin përfundimtar. Man. United e pati fitua edhe ndeshjen e parë në Milano 3:2.