Universiteti i Evropës juglindore UEJL nga Tetova është zgjedhur is ofrues më i volitshëm në ankandin publik për dhënien me qira afatgjate prej 99 viteve të tokës ndërtimore shtetërore në komunën e Sarajit, dedikuar për objekt për arsim të lartë, kumtoi sot Ministria e Transportit dhe Lidhjeve.

Në ankandin publik, për tokën me sipërfaqe prej 21.335 metra katrorë, është arritur çmim për qiranë njëvjetore me vlerë prej 448.035 denarë.

Universiteti i EJL-së, si ofrues më i volitshëm, është i obliguar në afat prej 15 ditëve t'i paguajë paratë për qira njëvjetore. Në të kundërtën do të llogaritet se toka nuk është dhënë me qira, ndërsa paratë e depunuara nuk do të kthehen. Pas pagesës së kryer në afatin e caktuar me ofruesin më të volitshëm lidhet kontratë për qira afatgjate, me të cilën ai obligohet se do ta ndërtojë objektin në afat prej tre viteve.