Aktorja italiane Sophia Loren është kthyer në ekranet e vogla me filmin për jetën e saj, në të cilin luan nënën e saj, gruan e cila ka bërë çdo gjë që vajza e saj të bëhet një yll filmi.
Filmi dypjesësh “La mia casa e piena di specchi”, është i bazuar në librin e motrës së aktores Maria Shikoln, që tregon karrierën e Sophia Lorenit.

Pjesa e parë e filmit është shfaqur të dielën në mbrëmje në televizionin shtetëror italian Rai Uno, ndërsa pjesa e dytë do të shfaqen sot. Sophia Lorenin e luan Margaret Made, e cila ka debutuar në filmin e vitit të kaluar të Guisepe Tornatores “Bari: Porta e erërave”.

Nga viti 1957, Sophia Loren ka aktruar në Hollywood përkrah aktorëve më të mëdhenj të asaj kohe, Clark Gable, Peter Sellers, John Wayne dhe Frank Sinatra.
Oskarin për aktoren më të mirë e ka fituar në vitin 1962, për filmin “La Ciociara” të Vitoria de Sike.