Thashethemet e fundit në lidhje me shtatzëninë e këngëtares shkupjane, si duket po dalin të vërteta. Gjatë javës që kaloi, tabloidet maqedonase kanë shkruar shumë rreth shtatzanisë së saj. Ndërkohë Panorama plus javën që kaloi publikoi ekskluzivisht disa detaje interesante në lidhje me ceremoninë martesore të këngëtares Tuna Sejdiu.
Blerand Rexhepi
Fjalët rreth shtatzënisë, këngëtarja i ka mohuar por nëpër forume të ndryshme shkruhet se pikërisht shtatzënia ka qenë arsyeja që Tuna do të martohet! Askush nga të afërmit e këngëtares nuk prononcohet për këto thashetheme, ndërkohë që çifti është hermetikisht i mbyllur dhe deri në momentin e ceremonisë nuk do të japin asnjë prononcim dhe intervistë për mediat. Burime tona, tregojnë se këngëtarja së bashku me Rilindin, këto ditë kanë udhëtuar për në Milano ku do të bëjnë zgjedhjen e fustanit të bardhë.
Siç kemi treguar, fustani i Tunës do të jetë firmato i ndonjë dizajneri të njohur që punon në Milano, kurse bashkëshorti i saj i ardhshëm do të mbajë veshur një kostum nga koleksioni më i fundit i Dolce & Gabana. Sa i përket pjesës artistike gjatë ceremonisë martesore, mësojmë se këngëtar zyrtar atë mbrëmje do të jenë grupi kosovar NRG Band së bashku me këngëtarin Sinan Vllasaliu.
Ndërkohë ju mund të shikoni foto të Tunës të bëra pak ditë më parë, ku duket fare mirë një fryrje e barkut, gjë që na bën me të vërtetë të dyshojmë për një shtatzëni disa javëshe.
