Guvernatori i Bankës popullore së Serbisë, Radovan Jellashiq gjatë dy ditëve të kaluara ishte mysafir i Bankës qendrore të Shqipërisë, në kuadër të së cilave mbrëmë mbajti ligjeratë me temë: "E ardhmja do të jetë më e ndryshme se e kaluara! Shembulli me Serbinë".

Në takimin e Jellashiqit me guvernatorin e Bankës qendrore shqiptare, Ardian Fullani temë kryesore ka qenë stabiliteti financiar në rajon, me ç'rast është theksuar se koordinimi i politikave të ndryshme makroekonomike shumë më tepër do të ndihmojë në itegrimin rajonal dhe evropian.

Në këto suaza dy guvernatorët dhanë ekspoze të lëvizjeve të fundit makroekonomike në vendet e tyre, duke u fokusuar në sfidat që bankat qendrore të dy vendeve i kanë në drejtim të stabilitetit financiare dhe integrimin evropian.

Ata janë angazhuar edhe për thellimin e bashkëpunimit.

Banka qendrore e Shqipërisë dhe Banka Popullore e Serbisë vitin e kaluar nënshkruajtën Marrëveshje për bashkëpunim teknik.