Njerëzit të cilët ndjehen të vetmuar vuajnë më shumë nga shtypja e gjakut, se sa ata të cilët janë të kënaqur me marrëdhëniet e tyre me personat e afër, raporton “Daily Mail”.

Sipas studimit të fundit shkencor, ndjenja kronike e vetmisë ndikon direkt në rritjen e shtypjes së gjakut te personat që kanë më shumë se 50 vjet, që rrit rrezikun nga sulmi në zemër dhe në tru.

Shkencëtarët amerikanë nga Universiteti i Çikagos erdhën në përfundim se vetmia është faktor serioz i rrezikut, e cila në vetvete rrezikon shëndetin psikik dhe fizik.

Depresioni dhe stresi ndikojnë vetëm pjesërisht në tensionin e gjakut, vlerësojnë shkencëtarët.
Në studim, i cili ka zgjatur pesë vjet, kanë marrë pjesë 229 persona të moshës prej 50 deri në 68 vjet.