E martë, 2.09.2014
Impresum - Marketing - Arkiva - Kontakt

Yll Press

Gazetarja e re fituese Qaja, në shkrimin e saj të fokusuar në çështjen e zgjerimit të BE, shpreh pikëpamjen e saj se "fryma e vërtetë evropiane është njohja e realiteteve, mundësive dhe obligimeve, në të cilat gjendemi edhe njëra, edhe pala tjetër, pa dallim të kufijve e armiqësive, si dhe urrejtjeve tona...".
Evis Qaja fiton konkursin










Shkrimi me titull "Politika e Integrimit që di të thyejë Tabutë Konvencionale" e gazetares Evis Qaja, fitoi çmimin e parë për Shqipërinë në konkursin e përvitshëm "Gazetari i Ri Evropian 2010", konfirmoi sot Sekretaria Europiane.

Ky konkurs i përvitshëm mbarëeuropian, çelja e të cilit u shpall nga Drejtoria e Përgjithshme për Zgjerimin (KE), ka patur pjesëmarrës të shumtë jo vetëm nga shtete anëtare të BE, por edhe vende kandidate.

Gazetarja e re fituese Qaja, në shkrimin e saj të fokusuar në çështjen e zgjerimit të BE, shpreh pikëpamjen e saj se "fryma e vërtetë evropiane është njohja e realiteteve, mundësive dhe obligimeve, në të cilat gjendemi edhe njëra, edhe pala tjetër, pa dallim të kufijve e armiqësive, si dhe urrejtjeve tona...".

Qaja vlerëson nismën e regjistrimit të popullsisë në vendin tonë. Në shkrimin e saj fitues thuhet se "ky regjistrim do të japë një tablo të plotë dhe të përgjithësuar të situatës demokratike dhe social-ekonomike në vend".

Evis Qaja është një prej 47 studentëve që po përfiton nga Fondi i Ekselencës. Ajo me mbështetjen e këtij fondi po vijon studimet e doktoraturës në Universitetin Aristoteli, në qytetin e Selanikut (Greqi) një nga universitetet shtetërorë më me përvojë dhe histori në shtetin Helen.

Evisi, një studjuese dhe shkrimtare e re, e cila është e vetmja shqiptare e përzgjedhur së fundi nga Instituti Biografik Amerikan për çmimin "Mendjet e Mëdha të shek.XXI", u rikthye në Shqipëri dy vjet më parë në kuadër të nismës së qeverisë "Brain Gain", ku përveç kontributit në mësimdhënie akademike, është aktive edhe në zhvillimin e kërkimeve në fushën sociale


Është e re dhe shumë simpa tike. Megjithatë, ajo do të renditet mes emrave më të shquar botërorë, në botimin "Mendjet e Mëdha të Shekullit të 21-të". Evis Qaja, 31-vjeçarja nga Korça.

"Fakti që u cilësova si shqiptarja e vetme që është vlerësuar deri më tani nga ABI, si dhe radhitja mes personalitetesh të shquara si Albert Einstein, Profesor Stephen Hawking, Mark Twain, Dr. Martin Luther King, Jr. Dali Lania, Mahatma Ghandi, më bën të mendoj se asgjë nuk është e pamundur, gjithçka fillon te vetja dhe mbaron aty... Mjafton atë që bën ta vlerësosh dhe të angazhohesh me seriozitet, me pjekuri, me një botë të hapur.

Të paktën motoja ime është "Guxo të Mendosh" ... E, unë shpeshherë e bëj këtë të fundit...". Janë këto vetë fjalët e Evisit, aktiviteti i së cilës më së shumti është zhvilluar në shtetin grek, por që në Shqipëri ka nisur gjithçka me botimin e disa librave artistikë. Që në moshën 13-vjeçare, Evisi kujton se ka qenë e para vajzë në klubin e shkrimtarëve "Bota e Re" në Korçë. Vetëm një vit më vonë ajo boton librin e parë me prozë dhe poezi "Monologu i Gjethes", që do të pasohet nga një tjetër botim "Qielli e ka fajin". Në 1996 Evisi boton sërish një libër me poezi "Lojë pa

Në 2007-ën sërish Këshilli i Evropës i atribuon titullin "Ambasadore e së ndryshmes" për rolin e madh si studiuese, aktiviste, por dhe iniciativat e saj të herëpashershme për sa u takon politikave të ndjekura prej saj në integrimin dhe përcjelljen e kulturave në familjen e madhe të Bashkimit Evropian anëtarja më e re e Lidhjes së Shkrimtarëve dhe Artistëve në Tiranë. Studion në Universitetin e Tiranës, Fakultetin e Historisë dhe Filologjisë, Dega Gjuhë-Letërsi dhe më pas përmes fondit të ekselencës arrin të vijojë studimet pasuniversitare në Greqi.

Në universitetin "Aristoteli" Selanik, në Departamentin Pedagogjik, studioi në degën e Shkencave Sociale: Përjashtimet sociale dhe arsimi. Tema shkencore që Evisi përzgjodhi për të mbrojtur studimet e saj ishte: "Çështja e arsimimit të minoriteteve dhe problematika gjuhësore dhe sociale te fëmijët bilingualë". Kjo u bë shkak për kërkesën e vetë universitetit në vazhdimin e studimeve të doktoraturës me qëllim thellimin e mëtejshëm të këtij studimi për sa i takon arsimimit të brezit ndoshta më problematik - brezit të dytë të emigrantëve shqiptarë.

Një temë për titullin doktor, që u vlerësua dhe nga shteti shqiptar, nga ku u fut në listën e doktoratëve të shkëlqyer, VKM nr. 255, datë 27.04.2007 "Për fondin e ekselencës, për mbështetje financiare të studentëve e shkencëtarëve të rinj, të shkëlqyer", nga Ministria e Arsimit dhe Shkencës. Vlerësimi i saj hap siparin e një serie të gjatë aktivitetesh, studimesh, artikujsh të botuar në mediat greke. Por kryesisht ajo që spikat është mbrojtja e të drejtave të njeriut, problematikat problematikat e emigrantëve e veçanërisht të drejtat e gruas.

Periudha e studimeve pasuniversitare dhe vazhdimi i doktoraturës, tregon Evisi, nuk ishte aspak e qetë, në sensin e lidhjes së saj me problematikën sociale-kulturore ekzistuese në Greqi. "Për këtë arsye u angazhova thellësisht në trajtimin e këtyre problemeve me artikuj të ndryshëm në disa gazeta ku kisha rol aktiv si korrespondente e Greqisë së Veriut "Tribuna", kryeredaktore e gazetës "Vëzhguesi", artikullshkruese

Në konkursin nacional të Greqisë, me rreth 800 gazetarë grekë u laureua me Çmimin e Madh të përfaqësimit të Greqisë në BE.

artikullshkruese e gazetave greke si "Agjeloforos", "Epohi", "Makedonia" etj", pohon vetë Evisi për eksperiencën e saj në shtetin fqinj. Në 2006-ën ajo mori pjesë në konkursin e madh të organizuar nga Këshilli i Evropës për gazetarinë në 27 vende të Evropës. Në konkursin nacional të Greqisë ku u përfshinë rreth 800 gazetarë grekë nga e gjithë Greqia, u laureua me Çmimin e Madh të përfaqësimit të Greqisë në Bashkimin Evropian, nga ku fitoi çmim nderi nga KE. Në 2007-ën sërish Këshilli i Evropës i atribuon titullin "Ambasadore e së ndryshmes" për rolin e madh si studiuese, aktiviste, por dhe iniciativat e saj të herëpashershme për sa u takon politikave të ndjekura prej saj në integrimin dhe përcjelljen e kulturave në familjen e madhe të Bashkimit Evropian.

Kur e pyet se si kalon jeta e saj mes dy vendeve ajo shprehet se: "Jeta ime është një botë e madhe pa kufij. Tashmë mendoj se kufijtë vlejnë për artificën e tyre sesa në kuptimin që dikur kishte ky nocion. Kështu, në një botë të madhe evropiane ndihem se mund të ofroj shumë mirë te dy shoqëritë, por sigurisht, tendenca dhe dëshira ime ofron më tepër me Shqipërinë". Por sa e realizuar ndihet Evisi. Për këtë ajo ka një përgjigje thuajse poetike. "Është diçka e çuditshme tek unë.

Ndonëse shpeshherë ndihem e pjekur, e formuar, ka herë që këto konture prishen dhe ndihem fëmijë, ndihem e gatshme për të vrapuar me ta dhe të mos pyes se më duhet të rishkruaj, të riformuloj, të plotësoj studimet e mia. Në vetvete i mbart të dyja dhe këto gërshetohen thellë duke mos më lënë të them një përcaktim të prerë. Por këto raste shtohen kur në mesnatë, pas një dite të lodhshme, të ngarkuar, afrohem pas kompjuterit dhe nis shkruaj ... ky është realizimi im ... bota ime e nëndheshme ... Liria ime e vërtetë". A.Rr.

Publikuar: 24.03.2010 | 06:59
Lexuar: 1666 herė
Printo PDF format Shto nė,..

Komentet
qirzidhi spiro (23/02/2013 21:12:28) Evsi Qaja eshte e njohur nga ana ime nga aktiviteti ''dita nderkombetare e poezise'' mars 2006 Athine, me koordinator tim,vlla Dionisin. Kahere njof potencialin e saj poetik,sensibilitetin femeror ne poezi, pjekurine intelektuale te saj. ERvis dua te komunikoje me Ju mbasi Dshte i paralizuar dhe une kam mare prsipoer biografine e tije duke ju referuar Dinisit si : poet, publicist,historian,massovik koordinator e organzator e mbi te gjitha njeri. Mund te shkruash pervec c'keni thene per ''pasqyrat e Aferdites'' dicka per tim'vlla.falimnderit

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime