Prodhuesi kinez i automobilave “Geely” ka nënshkruar një marrëveshje për blerjen e “Volvos” nga gjiganti amerikan i automobilave “Ford”, deklaroi një zëdhënës i “Volvos”.

Detajet e marrëveshjes nuk janë bërë të ditura, por pritet të arrijë vlerën e 1.8 miliardë dollarëve, dhe ajo pritet të finalizohet në javët e ardhshme.

Kjo do të jetë blerja më e madhe nga një prodhues kinez i automobilave.
Ford ka kërkuar shitjen e “Volvos”, së bashku me markat tjera, që nga viti 2008, kur kompania suedeze filloi të përballej me vështirësi financiare.