Paga mesatare neto për një të punësuar në muajin janar arrin 20.333 denarë dhe është më e madhe për 3,6 për qind në raport me muajin e njëjtë të vitit të kaluar, publikoi Enti shtetëror për statistikë.

Rritja është rezultat i ngritjes së pagës mesatare neto në sektorët: Xehetari dhe nxjerrja e gurëve, komunikacion, depozitim dhe lidhje dhe industrinë e përpunuar.

Rritje më e madhe e pagës mesatare neto në raport me muajin paraprak është vërejtur në sektorët: Peshkatari, tregti me shumicë dhe pakicë, riparim i mjeteve motorike, motoçikleta dhe sende për përdorim personal dhe amvisëri dhe bujqësi, gjueti dhe pylltari.

Paga mesatare bruto sipas të punësuarit në muajin janar arrin 29.947 denarë dhe është rritur për 1,2 për qind në raport me muajin e njëjtë të vitit të kaluar.

Sipas Entit shtetëror për statistikë, në muajin janar, 2,6 për qind nga të punësuarit në shtet nuk kanë marrë pagë.