Me koncert të grupit Elita 5 dhe disa grupeve të tjera dhe këngëtarë nga Tetova dhe Struga, tetovarët do të kenë mundësi ta presin Vitin e Ri në sheshin "Iliria".

Zëdhënësi i komunës, Valmir Aziri në konferencën e sotme për shtyp theksoi se pikërisht në mesnatë do të mbajë fjalim kryetari i Tetovës, Hazbi Lika.

Ai paralajmëroi se në vigjilje të Vitit të Ri, vetëqeverisja lokale do të organizojë seri aktivitetesh dhe ngjarjesh për më të rinjtë në qytet.

Për koncertin e Vitit të Ri, stolisjen e qytetit dhe për të gjithë aktivitetet para Vitit të Ri, qyteti ka ndarë rreth 30.000 euro.