Do të doja që të gjithë ta shikojnë Republikën e Maqedonisë nëpërmjetë syve të mi, për shkak se sytë e mi janë kosmopolite. Le të jetojë kjo Maqedoni e vogël, por e bukur, deklaroi sot diva e estradës Esma Rexhepova - Teodosievska, pasi presidenti i shtetit Gjorge Ivanov e dekoroi me "Dekoratë për merita për Maqedoninë".

"Me autentitetin, origjinalitetin dhe performancën e saj vokale perfekte, Esma e afirmoi muzikën rome në botë", duke u shndërruar në emër markant muzikor internacional", tha Ivanov.

Dekorata për merita Esma Rexhepova Teodosievka, siç theksoi, e fiton për afirmimin e Republikës së Maqedonisë, për madhësinë e saj muzikore dhe për veprimtarië e saj humanitare.

Mbretëresha e muzikës rome, siç në mënyrë të popullarizuar e quajnë këngëtaren Esma Rexhepova - Teodosievska, deklaroi se dekorata është meritë e qytetarëtve dhe se kjo u takon atyre, për shkak se pa ta ajo nuk do ta kishte arritur këtë sukses