Gazpromi rus njoftoi se filloi ndërtimin e gazsjellësit Rrjedha veriroe nën Detin Baltik, tre ditë para fillimit zyrtar të projektit.

Gazsjellësi do të ketë gjatësi prej 1220 km nga Viborgu në Rusi deri në Graifsuald në Gjermani. Rrjedha veriore është projekti më i madh energjitik i infrastrukturës në Evropë dhe do të kushtojë rreth 7.4 miliardë euro.

Pjesa e parë e gazsjellësit duhet të fillojë të funksionojë në fund të vitit 2011 me kapacitet prej 27,5 miliardë kub gaz në vit. Me përfundimin e pjesës së dytë, në vitin 2012, përmes tij do të kalojnë deri në 55 miliardë metra kub gaz në vit.

Gazprom në konzorcium ka 51 për qind të aksioneve. Ceremonia zyrtare për fillimin e ndërtimit është caktuar më 9 prill në Viborg ku do të marrë pjesë edhe presidenti rus Dimitrij Medvedev.