Studentët e Programit Studimor të Gjeografisë të Fakultetit të Shkencave Matematiko-Natyrore, në kuadër të mësimit praktik në lëndën e Gjeomorfologjisë si dhe në kuadër të planprogramit të Programit Studimorë të Gjeografisë të USHT-së, realizuan vizitë një ditëshe në Shpellën e Gadimes e cila gjendet në fshatin Gadime në afërsi të Lipjanit në Republikën e Kosovës.

Gjatë këtij udhëtimi i cili u realizua në fund të muajit të kaluar nën udhëheqjen e Shefit të Programit Studimor të Gjeografisë, Doc.dr. Fauzi Skenderit, ishin të përfshirë studentët e rregullt të vitit të dytë dhe tretë të Gjeografisë, të cilët me këtë rast përpos Shpellës së Gadimes, vizituan edhe Prekazin, Mitrovicën dhe Prishtinën.

Në kuadër të mësimit praktik, është e paraparë që studentët e Gjeografisë të vizitojnë edhe vendbanime tjera në Republikën e Maqedonisë, Republikën e Shqipërisë si dhe në trevat tjera shqiptare.