Presidenti amerikan Barak Obama dhe ai rus, Dimitri Medvedev, pritet të takohen sot në Pragë për të nënshkruar një traktat në lidhje me reduktimin e arsenaleve të tyre bërthamore.

Para një viti, po në Pragë, Barak Obama lëshoi thirrjen për një botë pa armë. Medvedev ndodhet që prej mbrëmjes së djeshme në kryeqytetin çek, ndërkohë që Obama do të mbërrijë sot në mëngjes në Pragën e mbikqyrur nga mijëra policë dhe ushtarë.

Uashingtoni dhe Moska, marrëdhëniet e të cilëve janë përmirësuar ndjeshëm që prej ardhjes së Obamës në pushtet në fillim të vitit 2009, do të angazhohen për të ulur numrin e raketave bërthamore.