Kreu i Myftinisë së Shkupit, Ibrahim Shabani, takohet me kryepeshkopin Zotëri Stefanin. Takimi ishte thirrur nga Kisha Ortodokse e Maqedonisë, me rastin e festës së Pashkëve.

Në takim, merrnin pjesë edhe përfaqësues të Kishës Katolike dhe asaj Evangjelistë.

Sipas mediave takimi, është thirrur për të ulur tensionet pas qëndrimit të KOM-it se kisha në sheshin e Shkupit duhet të ndërtohet, edhe nëse nuk ndërtohet xhamia ‘Burmali’. Takimi në manastirin e ‘Shën Marisë’ në Matkë të Shkupit, u mbajt me dyer të mbyllura dhe asnjë nga përfaqësuesit e bashkësive fetare nuk deshën të prononcoheshin për median.

Ky është takimi i parë mes përfaqësuesve të bashkësive fetare që pas hapjes së debatit për ndërtimin e kishës në sheshin e Shkupit.