NLB Tutunska Banka sot nënshkroi Marrëveshje me Korporatën ndërkombëtare financiare (IFC) për kredi afatgjate prej 25 milionë eruo. Mjetet do të dedikohen për ndërmarrjet e vogla dhe të mesme.

"Realizimi i këtij aranzhmani kreditor ndodh në kohën e duhur kur kompanitë kanë nevojë nga mbështetja financiare shtesë dhe në kushte të krizës më të madhe globale", tha drejtori i Tutunska Bankës, Gjorgi Jançevski para nënshkrimit të Marrëveshjes.

Zëvendëskryeministri dhe ministër i Financave Zoran Stavreski theksoi se miratimi i kredisë është me rëndësi të madhe dhe e tregon mbështetjen e që IFC ia jep ekonomisë së Maqedonisë në këtë kohë të krizës. IFC, shtoi Stavreski, në mënyrë praktike e vlerëson si të mirë ambientin investues në vend.

"Kjo është huaja e parë e IFC-së e nënshkruar në Maqedoni në dy vitet e fundit. Qeveria e Maqedonisë bëri diçka shumë të rëndësishme për zbutjen e pasojave nga ngecja lobale ekonomike, ndërsa ekonomia e tregoi rezistencën dhe qëndrueshmërinë e vet në këtë kohë të vështirë", vlerësoi përfaqësuesi i Korporatës ndërkombëtare financiare Daniele Xhovani.