Shpërthimi i vullkanit islandez në akullnajën Eyjafjallajökull ka penguar udhëtimet ajrore në Britaninë e Madhe dhe në Skandinavi.

Pas ndalimit të udhëtimeve në Novergji dhe Skoci, sot në mëngjes edhe Britania dhe Suedia kanë njoftuar mbylljen e thuajse të gjithë lëvizjeve ajrore, duke e konsideruar si shumë të rrezikshëm këtë lloj transporti.

Një ditë më parë mijëra persona u evakuuan në Islandë, si masë parandaluese për efektet që mund të kishte shpërthimi i vullkanit. Aktivizimi i vullkanit ndodhi në fund të marsit, hera e parë që prej vitit 1823. Të mërkurën u regjistruan edhe lëvizje të ndryshme sizmike si dhe përmbytje që mund të shkaktojnë shkrirjen e akullit.

Hiri që po del nga vullkani shkakton rrezik për avionet.

Ky hi është prodhuar nga shpërthimi i një vullkani që gjendej nën një akullnajë në jug të Islandës.

Më shumë se 800 njerëz janë evakuar të mërkurën nga shtëpitë e tyre në atë zonë pasi u raportua se akullnaja po shkrinte.

Të enjten në mëngjes ndërpreja e trafikut ajror u shtri nga Britania deri në vendet skandinave.

Shumica e aeroporteve britanike ose kanë ndërprerë ose kanë ulur dukshëm punën.

Aeroportet e tjera të prekura janë edhe ato të Finlandës, Norvegjisë dhe Suedisë.

Hiri thuhet të jetë 6 deri në 11 kilometra i lartë dhe fluturimet janë anulluar pasi ai mund të dëmtojë motorrët e avionëve.