Lideri shpirtëror i myslimanëve në BeH kërkoi nga presidenti serb të kërkojë falje për krime te serbëve boshnjakë gjatë luftës dhe të fillojë procesin e pajtimit.

Myftiniu kryesor Mustafa Ceriq deklaroi se Beogradi po tenton "ta gënjejë botën me të pavrëteta dhe gjeste të zbrazëta".

"Meqë mohon gjenocidin dhe luan me viktimat e gjenocidit, ata po përgatiten për gjenocid të dytë", deklaroi Ceriq. Ai e përshëndeti gjestin e presidentit kroat Ivo Josipoviq që ka kërkuar falje dje para parlamentit boshnjak .

Parlamenti serb aprovoi rezolutë, me të cilën Beogradi kërkon falje për masakrën e rreth tetë mijë burrave dhe djemve në Srebrenicsë gjatë luftës në Bosnjë e Herecegovinë.

Në tekstin e rezolutës megjithatë vrasja më masive në Evropë pas Luftës së Dytë Botërore nuk është kualifikuar si gjenocid.

Me rezolutën, Beogradi shpreh ngushëllime deri tek viktimat e masakrës dhe kërkon falje që nuk ka bërë më shumë për të parandaluar krimin e bërë.