Presidenti shqiptar Bamir Topi ka vizituar “Çarshinë e Vjetër” në Shkup, duke vendosur kurora lule pranë bustit të Skënderbeut.

Presidenti shqiptar i shoqëruar nga ana e kryetarit të komunës së Çairit dhe nga deputetë shqiptarë të Parlamentit të Maqedonisë ka shëtitur dhe takuar qytetarë në këtë pjesë të vjetër të Shkupit.

Ndërkohë, në mbrëmje kanë filluar takimet me përfaqësuesit e partive politike shqiptare, kryetarin e BDI-së, Ali Ahmeti, ate të PDSH-së, Menduh Thaçi dhe të DR-së, Imer Selmani.

Para këtyre takimeve, presidenti Topi është nderuar me mirënjohje të veçantë nga Lëvizja “ZGJOHU!” me rastin e katër vjetorit të themelimit të kësaj lëvizje.