Ambasadorja e Mbretërisë së Holandës në Maqedoni, Simone Filipini në një intervistë dhënë radios Evropa e Lirë, tha se beson se deri në qershor mund të arrihet të zgjidhet kontestit rreth emrit, por vetëm nëse për këtë ekziston vullnet politik mes qeverive të të dyja vendeve.

"Mendoj së është pak me rëndësi nëse këtë proces Bashkësia Ndërkombëtare e sheh më me optimizëm se dy qeveritë që duhet të arrijnë zgjidhjen përfundimtare dhe të vijnë te një zgjidhje e pranueshme. Kështu që, unë më shumë do të doja të shoh optimizëm real tek Maqedonia dhe Greqia se sa tek Bashkësia Ndërkombëtare.

Shpresoj se mund të jemi optimist, mendoj se të gjithë elementët janë këtu, se nuk ka çështje të fshehura për të cilat nuk është biseduar. Unë kam këtë përshtypje, tani vërtetë shpresoj se dy qeveritë do të jenë në gjendje, të tregojnë guxim politik, vullnet politik që të vjen deri te zgjidhja”, deklaroi ambasadorja e Holandës në Maqedoni, Simone Filipini.