Problemi me trafikun ajror të shkaktuar nga reja me hirin vullkanik, mund t'i kushtojnë ekonomisë amerikane 650 milionë dollarë, kumtoi Asociacioni amerikan i udhëtarëve.

"Humbjet në ekonomi janë në mesatare 130 milionë dollarë në ditë dhe ilustrojnë deri në çfarë shkalle është e varur bota nga udhëtimet me qëllim të turizmit dhe biznesit", kumtoi asociacioni.

"Mundësia për 'reagim të jashtëzakonshëm" i autoriteteve duhet të merret parasysh gjatë marrjes së vendimit për bllokimin e arteries kaq të rëndësishme për ekonominë botërore", deklaroi kryetari i asociacionit Roxher Dou.

"Ekonomitë që ripërtërihen nga recesioni, nuk mund të lejojnë reagim të jashtëzakonshëm, e cila tërësisht do t'i ndërpejë udhëtimit", theksoi ai.

"Duke pasur parasysh test-fluturimet në ditët e kaluara, liderët evropianë duhet të pyeten nëse ato kufizime për udhëtimet me aeroplane ishin të domosdoshme", theksoi ai.

Fuluturimet e kompanive mes Evropës dhe SHBA-së në ditët e kaluara janë zvogëluar për 78 për qind dhe çdo fluturim mund të vlerësohet në 450.000 dollarë në mesatare për ekonominë nga ana e udhëtarëve.