Ferdi Berisha, shqiptar nga Maqedonia, i cili vitin e shkuar arriti të fitonte edicionin e “Grande Fratellos” me sa duket e ka harruar plotësisht ish të dashurën e tij, Francesca Fioretti me të cilën u lidh brenda shtëpisë më të famshme italiane.

Ferdi siç bëhet e ditur nga mediat italiane është parë në shoqërinë e një vajze në ambientet e një restoranti ku ndërmjet të dyve kishte shumë sjellje intime të cilat të linin të mendonin për një lidhje të re të tij më vajzën në fjalë.

Krahas puthjeve e përqafimeve të shumta që kanë shkëmbyer me njëri tjetrin siç bëhet e ditur nga shtypi italian, Ferdi thuhet se ka rënë në dashuri me vajzën.

Por, identiteti i saj që të zbardhet është vetëm çështje kohe pasi akoma nuk është arritur të përcaktohet se kush është vajza misterioze.