E premte, 14.12.2018
Impresum - Marketing - Arkiva - Kontakt

Yll Press

Diaz tha se filmi ishte një dëshmi e mundimeve në Filipine, pas shekujve nën regjim kolonial. Në total ishin 20 filma që garuan në edicionin e 73-të në këtë festival filmi.
Festivali i Filmit të Venecias, triumfon filmi filipinas
Filmi filipinas “Gruaja e larguar”, një dramë bardhezi nga regjisori Lav Diaz, ka fituar “Luanin e Artë” si filmi më i mirë në Festivalin e Filmit të Venecias.

Filmi tregon historinë e një dëshirës së një mësueseje shkolle për hakmarrje dhe ndjenjës së faljes pas 30 viteve të kaluara në burg për një krim që ajo nuk e kishte bërë.

Diaz tha se filmi ishte një dëshmi e mundimeve në Filipine, pas shekujve nën regjim kolonial. Në total ishin 20 filma që garuan në edicionin e 73-të në këtë festival filmi.

“Ky çmim është për vendin tonë, për popullin filipinas, për betejat tona, për vuajtjet e njerëzimit. Faleminderit shumë të gjithëve”, tha regjisori 57-vjeçar teksa merrte trofeun. Filmi është i gjatë thuajse 4 orë.

Mes çmimeve të tjera të shpërndara:

Çmimi i Jurisë për stilistin Tom Ford për filmin thriller “Nocturnal Animals”.
Regjisori më i mirë u nda mes rusit Andrei Konchalovsky, për dramën mbi Holokaustin “Paradise”, si dhe meksikanin Amat Escalante për filmin “The Untamed”.
Aktori më i mirë për argjentinasin Oscar Martinez, për rolin e tij në dramë-komedinë “The Distinguished Citizen”.
Aktorja më e mirë për amerikanen Emma Stone, për muzikalin “La La Land”.
Çmimi “Marcello Mastroianni” për performuesin e ri më të mirë i shkoi aktores gjermane, Paula Beer, për rolin e saj në dramën e pasluftës “Frantz”.
Skenari më i mirë për Noah Oppenheim, për punën e tij në filmin “Jackie” të Pablo Larrain.
Çmimi special i Jurisë, për filmin “The Bad Batch” të Ana Lily Amirpour.

Juria e këtij viti u udhëhoq nga regjisori britanik Sam Mendes, i cili tha se filmat në garë treguan edhe njëherë se kishin një “varietet të mrekullueshëm dhe mahnitës”.

/ Top Channel

Publikuar: 11.09.2016 | 12:08
Lexuar: 1578 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime